Ndërlidhjet

Hollande “i lënduar” nga komentet e ish-partneres


Presidenti i Francës, Francois Hollande.
Presidenti i Francës, Francois Hollande.

Presidenti i Francës, Francois Hollande, ka hedhur poshtë akuzën e ish-zonjës së parë se ai urren të varfrit.

Hollande ka thënë se kjo është një gënjeshtër që i dhemb.

Ai po ashtu ka thënë se nuk do që dikush të mendojë se ai ka bërë shaka me vështirësitë sociale.

Valerie Trierweiler, në librin e saj “Thank your for this moment” (Faleminderit për këtë moment), i cili është publikuar javën e kaluar dhe tashmë është bërë libri më i shitur në Francë, e pëshkruan presidentin socialist si njeri të pashpirt, i cili nuk i pëlqen të varfrit.

Ajo ka qenë partnerja e presidentit për nëntë vjet, derisa një revistë ka zbuluar këtë vit aferën e tij të dashurisë me aktoren Julie Gayet.

XS
SM
MD
LG