Organizata Botërore e Shëndetësisë ka bërë të ditur se numri i të vdekurve nga Ebola në Afrikën perëndimore ka kaluar 3,000.
Shifrat e fundit po ashtu thonë se mbi 6,500 njerëz janë të infektuar në rajon.
Liberia është vendi i goditur më së keqi, me rreth 1,830 vdekje.
Presidenti i Shteteve të Bashkuara, Barack Obama, e ka cilësuar këtë shpërthim të sëmundjes si “kërcënim për sigurinë globale”.
Disa studime paralajmërojnë se numri i të infektuave me Ebola mund të arrijë në 20,000 në muajin nëntor.