Koalicioni i udhëhequr nga Shtetet e Bashkuara ka ndërmarrë sulme të reja ajrore kundër caqeve të militantëve të Shtetit Islamik afër qytetit kufitar, Kobani, derisa militantët e kanë vazhduar ofensivën e tyre në këtë qytet të banuar me popullatë shumicë kurde.
Aktivistët sirianë thanë se sulmet ajrore gjatë natës u bënë pasi forcat e Shtetit Islamik i kanë hedhur disa predha në këtë qytet gjatë ditës së djeshme.
Luftimet rreth qytetit Kobani kanë shkaktuar largimin e më se 300 mijë njerëzve gjatë javëve të kaluara.