Militantët e Shtetit Islamik kanë vazhduar ta sulmojnë me granata qytetin sirian, Kobani, në kufirin me Turqinë, përkundër valës së re të sulmeve ajrore, të kryera nga koalicioni i udhëhequr nga Shtetet e Bashkuara.
Gjatë natës, aeroplanët e koalicionit i kanë sulmuar caqet e grupit militant, Shteti Islamik, për ta ndalur avancimin e grupit. Konsiderohet se sulmet e militantëve ishin më pak intensive se një ditë më parë.
Duket se sulmet e mëparshme ajrore të koalicionit ndërkombëtar dështuan ta ndalin ofensivën e kryengritësve militantë dhe vlerësohet se 180 mijë njerëz kanë kaluar në Turqi, për tu larguar nga luftimet rreth Kobanit.