Një pjesëtar i ekipit për vaksinim kundër poliomelitit është vrarë në Pakistan.
Ai ka pësuar nga shpërthimi i bombës në anë të rrugës në fshatin Ali Nagar, pranë kufirit me Afganistanin.
Në sulm është vrarë edhe një kushëri i tij.
Përgjegjësinë për shpërthimin nuk e ka marrë asnjë grup.
Por, talibanët kanë sulmuar shpesh punëtorët e imunizimit në Pakistan, duke thënë se ata janë spiunë për Shtetet e Bashkuara.
Pakistani, së bashku me Afganistanin dhe Nigerinë, janë tre shtetet e vetme në botë ku poliomeliti vazhdon të jetë endemik.
