Anëtarja e një komisioni ministror për sëmundje infektive në Maqedoni, doktoresha Jovanka Kostovska, tha sot se sipas analizave iniciale, ka “pak gjasë” që shtetasi britanik, që ka vdekur të enjten në Shkup, e kishte virusin Ebola.
“Sipas analizave tona epidemiologjike nga dita e djeshme, ne mendojmë se ekziston gjasë e vogël se ai e kishte virusin Ebola, por do të ishte gabim i madh nëse nuk ndërmerren masa të sigurisë paraprake, derisa ne t’i marrim rezultatet e plota”, tha Kostovska në një konferencë për gazetarë në Shkup.
Mëtutje, ajo ka theksuar se nuk ka raste të tjera të dyshuara në Maqedoni, por hoteli ku britaniku ishte i vendosur, mbetet i bllokuar.
Mostrat e gjakut dhe indit janë dërguar në Frankfurt të Gjermanisë për teste.