Qindra policë në Hong Kong kanë çmontuar bnarikadat e protestuesve pranë zyrave të qeverisë dhe qendrës financiare të qytetit.
Kjo është dita e dytë e operacioneve, për të cilat policia thotë se kanë për qëllim lehtësimin e trafikut dhe jo shpërndarjen e protestuesve.
Këta të fundit kanë zënë pjesë të Hong Kongut për më shumë se dy javë.
Ata kërkojnë zgjedhje plotësisht demokratike më 2017.
Kina, e cila ka kontroll mbi Hong Kongun, ka thënë se qytetarët do të mund të votojnë direkt, porse ajo do të përpilojë listën e kandidatëve.