Kryeministri i Rusisë, Dmitry Medvedev, i tha një kanali televiziv amerikan se “ripërtitja” e re në raportet SHBA – Rusia, është “absolutisht e pamundshme”, derisa të vazhdojnë sanksionet kundër vendit të tij.
“Natyrisht se jo dhe është absolutisht e pamundshme”, tha Medvedev, gjatë një interviste me rrjetin televiziv CBNC, i pyetur se nëse është e mundshme ripërtritja, derisa vazhdojnë sanksionet e Shteteve të Bashkuara.
Në transkriptin e publikuar sot në faqen në Internet të qeverisë së Rusisë, theksohet se Medvedev kishte vlerësuar se sanksionet amerikane ishin “shkatërruese”.
Shtetet e Bashkuara i kanë ndërmarrë disa runde të sanksioneve kundër Rusisë për ta ndëshkuar për aneksimin e Krimesë në Ukrainë, në muajin mars, dhe për rolin e Moskës në konfliktin në pjesën lindore të Ukrainës.
Kievi dhe NATO-ja thonë se Moska ka dërguar trupa dhe armatim në këtë territor, për t’i ndihmuar separatistët prorusë që luftojnë kundër forcave të qeverisë së Ukrainës.
Rusia e përgënjeshtron pohimin se është e përfshirë në konflikt.
