Policia e Malit të Zi ka arrestuar tre persona nën dyshimet se kanë sulmuar me gurë Ambasadën e Shqipërisë në Podgoricë.
Policia ka sqaruar se në incident nuk është lënduar askush dhe se bëhet fjalë vetëm për dëme materiale në ambasadë.
Sulmi ka ndodhur sot në orët e paradites, raporton Shërbimi i Ballkanit i Radios Evropa e Lirë.
Ai vjen pas incidentit që ka ndodhur të martën në ndeshjen midis Shqipërisë dhe Serbisë në Beograd.