Venezuela, Zelanda e Re, Spanja, Angola dhe Malajzia janë zgjedhur anëtare të përkohshme të Këshillit të Sigurimit të Kombeve të Bashkuara, ndërkohë që Turqia ka dështuar në përpjekjet e saj për t’iu bashkar këtij mekanizmi.
As Turqia, as Spanja nuk kanë marrë vota të mjaftueshme në dy rrethet e para të votimit në Asamblenë e Përgjithshme të OKB-së.
Këshilli i Sigurimit përbëhet nga 15 shtete anëtare, pesë prej të cilave – Kina, Franca, Britania e Madhe, Rusia dhe SHBA – janë të përhershme.
Dhjetë anëtarët jo të përhershëm zgjidhen nga Asambleja e Përgjithshme me një mandat dyvjeçar.
Këtu procedohet në mënyrë të tillë që çdo vit të zgjidhen pesë anëtarë jo të përhershëm, me qëllim që përbërja e Këshillit të Sigurimit të ndryshojë çdo vit.
