Një njeri i paralizuar, ka arritur që të ecë sërish, si rezultat i një terapie që ka përfshirë transplantimin e qelizave nga zgavrat e hundës deri të palcës kurrizore të tij.
Darek Fidyka, i cili ishte i paralizuar nga gjoksi poshtë nga një sulm me thikë në vitin 2010, thotë se të ecësh përsëri është "një ndjenjë e pabesueshme."
Operacioni i tij, është kryer nga kirurgët në Poloni në bashkëpunim me shkencëtarët në Londër, trajtim ky që revista ‘Cell transplantim’ e përshkruan si një zbulim të madh.
Teknika, përfshinë transplantimin e qelizave të nuhatjes së palcës kurrizore të pacientit dhe të ndërtimit të një "ure nervore" ndërmjet dy trungjeve të shtyllës kurrizore të dëmtuar.
Geoff Raisman, i cili udhëheq ekipin hulumtues britanik, ka thënë se kjo arritje është ‘më impresionuese se sa ajo e shkuarjes së njeriut në hënë”.