Në Berlin mbahet sot një konferencë ndërkombëtare për të ndihmuar refugjatët sirianë.
Nikoqiri i konferencës, ministri i Jashtëm gjerman, Frank-Walter Steinmeier, u ka bërë thirrje 20 kryediplomatëve pjesëmarrës dhe përfaqësuesve të dhjetë organizateve ndërkombëtare që të ndihmojnë në grumbullimin e ndihmave të reja për Sirinë.
Vlerësohet se kriza me refugjatët sirianë është njëra nga më të rëndat, me të cilat është ballafaquar Agjencia për Refugjatë e Kombeve të Bashkuara (UNHCR) gjatë punës së saj 64-vjeçare.
UNHCR ka bërë të ditur se 3.2 milionë sirianë janë larguar jashtë vendit dhe 6.4 milionë të tjerë janë zhvendosur brendapërbrenda.
