Kina do të ndajë 40 miliardë dollarë për të ndihmuar lidhjet midis vendeve aziatike.
Presidenti i Kinës, Xi Jinping, ka bërë njoftimin gjatë takimit në Pekin me liderët e Bangladeshit, Kamboxhisë, Laosit, Mongolisë, Birmanisë, Pakistanit dhe Taxhikistanit.
Xi ka thënë se qëllimi i kësaj shume është që “të thyejë pengesat e lidhjeve në Azi”.
Ai ka shpjeguar se paratë do të investohen në infrastrukturë, burime natyrore, si dhe në bashkëpunimin industrial.
Xi ka thënë se fondi do të jetë i hapur dhe se mirëpret investitorët nga Azia dhe më gjerë që të marrin pjesë në projektet e zhvillimit.