Më së paku 47 nxënës kanë vdekur nga një sulm me bombë në veri të Nigerisë.
Njoftohet se një sulmues vetëvrasës me bombë, i veshur më uniformë të shkollës, ka hyrë brenda duke mbajtur në çantë një eksploziv.
Dëshmitarët kanë treguar për trupat e shumtë që kanë parë të mbuluar me gjak.
Ndërsa njoftohet se përveç të vdekurve, qindra të tjerë janë plagosur.
Prapa këtij sulmi, besohet se qëndron grupi ekstremist islamik ‘Boko Haram’, i cili ka vu në shënjestër shkollat në Nigeri, në përpjekje për të shtrirë Shtetin Islamik, në gjithë vendin.
I njëjti grup, po ashtu thuhet se është përgjegjës për sulmin ndaj një shkolle shiite, javën e kaluar, me ç’rast kanë vdekur më shumë se 30 persona.
Është po ky grup që në muajin prill, ka rrëmbyer plotë 200 nxënëse (femra) nga qyteti Chibok.
