Myftiu i Kosovës, Naim Tërnava, ka udhëtuar sot për në Romë, ku do të marrë pjesë në Forumin e tretë të dialogut ndërfetar Katoliko-Mysliman, i cili do të mbahet në Vatikan më 11-13 nëntor, 2014.
Tema bosht e takimit është:"Të punojmë së bashku për t’u shërbyer të tjerëve".
Takimi i parë i Forumit Katoliko-Mysliman është mbajtur në vitin 2008 në Vatikan, i dyti në Jordani më 2011, në vendin e Pagëzimit, ndërsa ky është takimi i tretë i radhës.
Pjesëmarrësit e Forumit do të priten edhe nga Papa Françesku.