Dy sulme të ndara vetëvrasëse në Irak, kanë vrarë, sot, më së paku 15 persona, mesin e të cilëve edhe ushtarë.
Sulmi i parë ka ndodhur në veri të qytetit Baiji, pjesë kjo që ushtria e vendit po mundohet që ta kontrollojë, për të parandaluar zgjerimin e militantëve të Shtetit Islamik (IS).
“Sulmuesi është futur në mesin e një turme të ushtarëve, ku nga shpërthimi janë vrarë 6 ushtarë dhe 2 civilë”, ka thënë kryetari i Baijit, Mohammed Mahmoud.
Kurse shpërthimi i dytë ka ndodhur në veri të Bagdadit, ku një sulmues me makinë me bombë, ka vrarë 7 ushtarë dhe plagosur 13 të tjerë.
Sulmuesit janë identifikuar si pjesëtarë të IS.