Ushtria e Azerbajxhanit thotë se ka rrëzuar një helikopter të tipit Mi-24 afër territorit Nagorno-Karabakh, dhe raportohet për tre persona të vrarë.
Në një komunikatë për shtyp nga Ministria e Mbrojtjes së Azerbajxhanit thuhet se trupat ushtarake u sulmuan nga ky helikopter, që sipas tyre, i përkiste shtrish së Armenisë.
Thuhet se trupat e Azerbajxhanit kanë kthyer zjarrin dhe kanë rrëzuar helikopterin.
Ministria e Mbrojtjes nuk raportoi për të vdekur.
Të vetë-shpallurit "forcat vetëmbrojtëse” të Nagorno-Karabakh, një rajon i kontrolluar nga armenët, thanë së një helikopter i tyre u rrëzua gjatë një trajnimi.
Agjencia e lajmeve ruse Interfax tha se autoritetet separatiste thanë që tre persona u vranë dhe se fluturakja nuk ka paraqitur rrezik për trupat e Azerbajxhanit.
Separatistët armenë morën zonën Nagorno-Karabakh nga Azerbajxhani gjatë një lufte në fillim të viteve 90.
