Në qytetin Brisbanë të Australisë, ka filluar takimi i samitit G20, ku po marrin pjesë liderë të vendeve më të fuqishme botërore.
Presidenti rus, Vladimir Putin, është takuar me kryeministrin e Britanisë, David Cameron dhe presidentin francez, Francois Hollande.
Zëdhënësi i Putinit, Dmitry Peskov, ka thënë se kriza në Ukrainë, ka qenë e vetmja temë që Presidenti rus ka biseduar me Cameron.
Ky takim po mbahet nën presionin e udhëheqësve perëndimorë ndaj Rusisë, për t’i dhënë fund dhunës në mes separatistëve pro-rusë dhe forcave ukrainase në Ukrainën lindore.
Një ditë para nisjes së samitit, Presidenti amerikan, Barack Obama, ka thënë se ‘agresioni rus në lindje të Ukrainës, është kërcënim për botën’.