Papa Françesku, ka thënë se të varfërit në botë, kanë të drejtën që të kenë një jetë të dinjitetshme.
Ai këto komente i ka bërë në një konferencë ndërkombëtare për media, për urinë në botë dhe kequshqyerjen, e mbajtur në Romë.
“Derisa ne flasim për të drejta të reja, njerëzit e uritur vazhdojnë të mbesin nëpër rrugë, duke kërkuar që të njihen si qytetarë”, ka thënë Papa Françesku, para mediave, duke shtuar se ‘të varfërit kërkojnë dinjitet e jo mëshirë’.
Konferenca u zhvillua në selinë Organizatës së Ushqimit dhe Bujqësisë së OKB-së (FAO) në Romë, e organizuar në bashkëpunim me Organizatën Botërore të Shëndetësisë (OBSH).
Sipas OKB-së, rreth 805 milion njerëz në botë, nuk kanë ushqim të mjaftueshëm.