Papa Françesku, lideri i 1.2 miliard katolikëve të botës, përfundon sot vizitën treditore në Turqi.
Në Stamboll, ai do të takojë sërish Patriarkun Bartolomeu, liderin shpirtëror të ortodoksëve në glob.
Dy udhëheqësit e krishterë pritet të nënshkruajnë një deklaratë të përbashkët për tejkalimin e përçarjeve 1,000-vjeçare në Kishën e Krishterë.
Të shtunën, Papa është lutur në Xhaminë e Sulltan Ahmetit së bashku me Myftiun e Stambollit, Rahmi Yaran.
Gjatë qëndrimit në Ankara, të premten, Papa ka bërë thirrje për dialog ndërfetar.