Aktivistët për demokraci në Hong-Kong janë përleshur me policinë, derisa ata përpiqeshin ta rrethonin selinë e qeverisë në Hong-Kong, gjatë natës.
Qindra protestues u përleshën me policinë, e cila ka përdorë shkopinjë dhe sprej.
Protestuesit, megjithatë, i kaluan linjat policore dhe e bllokuan trafikun në rrugën kryesore.
Protestuesit thanë se ata dëshironin ta bllokojnë rrugën deri në mëngjes, për t’i parandaluar zyrtarët qeveritarë që të shkojnë në vendet e tyre të punës.
Janë arrestuar 40 vetë dhe janë plagosur disa policë.
Protestuesit dëshirojnë që për zgjedhjet e vitit 2017 ta kenë të drejtën e nominimit të lirë, por autoritetet e Kinës e refuzojnë këtë kërkesë.
