Luftëtarët talebanë kanë vrarë së paku katër policë afganë, gjatë një sulmi në një pikë kontrolli në veri të Afganistanit.
Shefi i policisë në provincën Jowzjan, Faqir Mohammad, ka njoftuar se sulmi ka ngjarë gjatë të mërkurës.
Zëdhënësi i policisë provinciale Abdul Manan Raoufi, ka bërë të ditur se sulmi ka ndodhur në zonën Darzab.
Raoufi ka njoftuar se në mesin e viktimave është edhe një shef i poicisë.
Deri më tani, askush nuk e ka marrë përgjegjësinë për sulmin.
Në Afganistan ka pasur disa sulme nga talebanët që nga koha kur qeveria afgane ka nënshkruar marrëveshje me Shtetet e Bashkuara dhe NATO-n, për lejimin e 12 mijë trupave në Afganistan pas përfundimit të misioniit trembëdhjetë vjeçar ushtarak në fund të këtij viti.