Ish-zyrtarja e lartë e Bashkimit Evropian, Catherine Ashton, vazhdon të mbetet ndërmjetësuese ndërmjet Iranit dhe gjashtë fuqive botërore, lidhur me programin atomik të kontestuar të Iranit.
Përfaqësuesja e lartë e BE-së për politikë të jashtme dhe siguri, Federica Mogherini, e ka emëruar zonjën Ashton si këshilltare speciale të saj për lehtësimin e bisdimeve atomike me Iranin, ka njoftuar mbrëmë BE-ja.
Irani dhe gjashtë fuqitë botërore, Shtetet e Bashkuara, Rusia, Kina, Britania, Franca dhe Gjermania, dështuan që muajin e kaluar ta zgjidhin mospajtimin 12 vjeçar lidhur me programin atomik të Teheranit.
Megjithatë, bisedimet janë zgjatur edhe për 7 muaj të tjerë.
Irani i ka hedhur poshtë pohimet se programin atomik e përdorë për zhvillimin e armatimit bërthamor.
