Ish-presidenti i Shteteve të Bashkuara, George W. Bush, i ka bërë thirrje vëllait të tij, Jeb, që të kandidojë për president më 2016.
“Jeb e di se unë dua që ai të kandidojë. Nëse duhet, e përsëris: Jeb kandido”, ka thënë Bush.
Ai i ka bërë këto komente në një intervistë për televizionin CNN.
Jeb Bush është ish-guvernator i shtetit të Floridës dhe një nga disa republikanët që pritet të kërkojnë nominimin e partisë.
Ai ka thënë se do të marrë vendimin në fund të vitit.
George W. Bush ka qenë president nga vitit 2001 deri më 2009.
George H. W. Bush, babai i Jeb dhe George W. Bush, ka qenë në Shtëpinë e Bardhë nga viti 1989 deri më 1993.
