Ukraina ka konfirmuar sot, se e ka pranuar dërgesën e parë të gazit natyror nga Rusia.
Ukraina nuk është furnizuar me gaz nga Rusia, që nga qershori i këtij viti.
Gjashtë muaj më parë, si rezultat i krizës në Ukrainë, Rusia e ka ndërprerë dërgimin e gazit me arsyetimin se nuk janë paguar miliona euro për gazin e shpenzuar në Ukrainë.
Rusia gjithashtu e ka rritur çmimin e naftës për Ukrainën.
“Importet nga Rusia kanë filluare dy ditë më herët sesa që ishte planifikuar”, ka njoftuar të martën kompania e transportit të gazit në Ukrainë, Ukrtransgaz.
Më 5 dhjetor, Ukraina ia ka transferuar komapnisë ruse Gazprom 378 milionë dollarë, si parapagim për një miliard metra kub të gazit rus.
