Policia në Bosnje dhe Hercegovinë ka arrestuar dhjetë serbë të dyshuar për vrasjen e dhjetëra civilëve myslimanë gjatë luftës së viteve 1992-1995.
Të arrestuarit janë ish-policë serbë të Bosnjës dhe ish-figura ushtarake, që akuzohen për vrasjen e 70 civilëve në qytetin Zvornik, në korrik të vitit 1992.
Këtë muaj, autoritetet boshnjake kanë arrestuar edhe 15 ish-paramilitarë dhe ish-ushtarë serbë, nën dyshimet për përfshirje në vrasjen e 20 personave, shumica myslimanë, më 1993.
Gjatë konfliktit në Bosnje besohet se janë vrarë rreth 100,000 njerëz.
