Ushtria e Jordanisë ka konfirmuar se një aeroplan i saj është rrëzuar në Siri.
Ushtria po ashtu ka thënë se piloti është kapur nga militantët e Shtetit Islamik në qytetin Raka.
“Jordania mban përgjegjës grupin dhe mbështetësit e tij për sigurinë dhe jetën e pilotit”, thuhet në deklaratën e ushtrisë së Jordanisë.
Qendra për Media e Rakas, një grup lokal monitorues, ka publikuar disa fotografi që pretendon se paraqesin pilotin e zënë rob.
Grupi xhihadist i Shtetit Islamik ka thënë se ka rrëzuar aeroplanin.
Shtetet e Bashkuara dhe aleatët e tyre arabë kanë nisur sulmet ajrore kundër Shtetit Islamik në Siri në muajin shtator.
