Kancelarja gjermane Angela Merkel, ka kërkuar nga Rusia që të shfrytëzoj ndikimin e saj mbi seperatistët në Ukrainën Lindore, me qëllim që të zbatohet marrëveshja e armëpushimit.
Përmes një deklarate të lëshuar të dielën, udhëheqësia gjermane ka shprehur keqardhjen për mosmbajtjen e negociatave në Minsk të Bjellorusisë të cilat qenë planifikuar për datën 26 dhjetor, në mes të përfaqsuesve nga Ukraina, Rusia, seperatistët dhe OSBE-ja.
Një takim i grupit të kontaktit është mbajtur më 24 dhjetor gjatë të cilit nuk është arritur ndonjë pajtueshmëri tjetër pos asaj të këmbimit të të burgosurve.
Merkel gjatë një bisede telefonike që e ka zhvilluar të shtunën me presidentin ukrainas Petro Poroshenko, e ka vlerësuar procesin e suksesshëm të këmbimit të personave të dënuar.
Merkel i ka thënë presidentit Ukrainas që janë shumë të nevokjshme bisedimet në Minsk.
Pikërisht për mbajtjen e këtyre bisedimeve, Gjermania i ka kërkuar të dielën Rusisë që ta përdorë ndikimin e saj tek seperatistët.