Policia pakistaneze ka bërë të ditur se së paku 65 njerëz kanë vdekur, pasi një autobus pasagjerësh është përplasur me një cisternë të naftës, pranë qytetit Karaçi.
Zyrtari i policisë, Rao Muhammad Anvaar, ka thënë se autobusi ka qenë i mbingarkuar me njerëz, në kohën e aksidentit.
Të dyja automjetet kanë shpërthyer në flakë pas përplasjes.
Zyrtarët kanë thënë se shumë trupa janë djegur nga temperaturat e larta që ka shkaktuar djegia e naftës.