Presidenti rus Vladimir Putin, thotë se organizatat joqeveritare duhet të ndihmojnë për të arritur qëllimet e përbashkëta kombëtare dhe nuk duhet ta kundërshtojnë qeverinë.
Teksa ka folur në forumin “Shteti dhe shoqëria civile”, i cili është transmetuar drejtpërdrejtë në televiziton, Putin ka thënë se OJQ-të nuk duhet të përfshihen në garën në mes të autoriteteve dhe opozitës.
Putin iu ka bërë thirrje autoriteteve rajonale që t'i mbështesin OJQ-të, duke shtuar se ai dëshiron ti përdorë OJQ-të si krah të qeverisë.
Putin ka thënë se mund të ketë ulje të taksave për OJQ-të, në qoftë se ato qëndrojnë jashtë politikës.
OJQ-të në Rusi ballafaqohen me probleme të mëdha që nga viti 2012, kur Putin është zgjedhur president.
Shumë nga OJQ-të më të mëdha në Rusi, duke përfshirë Memorial, Agora dhe Golos, nuk ishin ftuar në forumin e organizuar.