Ish i nominuari për president të SHBA-ve, republikani Mitt Romney, nuk do të kandidojë përsëri për zgjedhjet e vitit 2016.
Tri javë pasi kishte thënë se është duke e marrë parasysh një fushatë të tretë për Shtëpinë e Bardhë, ish guvernatori i Massachusetts u tha pjesëtarëve të stafit të tij gjatë një konference sot, se është jashtë garës.
Romney hapi diskurset presidenciale më 10 janar, kur ai i tha një grupi të vogël të ish-donatorëve në Nju Jork se ai po e konsideron edhe një mundësi për të garuar për drejtimin e Shtëpisë së Bardhë.
Por që nga ajo ditë, Romney u mundua të tërheqë mbështetje për nje fushatë tjetër, por zbuloi se një numër i madh i ish mbështetësve dhe donatorëve të tij, ishin duke e mbështetur ish guvernatorin e Floridës, Jeb Bush.
