Një video e publikuar online nga militantët e Shtetit Islamik (IS) tregon se piloti jordanez, i cili është kapur nga ekstremistët në fund të dhjetorit, është djegur i gjallë.
Videoja tregon imazhet e një burri, i cili thuhet se është piloti i zënë rob, Maaz al- Kasaesbeh, të kapur në flakë, teksa qëndron në këmbë brenda një kafazi të zi metalik.
Kasaesbeh është kapur nga militantët kur aeroplani i tij është rrëzuar në Siri në muajin dhjetor.
Autoritetet jordaneze nuk e kanë konfirmuar ende vërtetësinë e videos.
Videoja është shpërndarë përmes një llogarie në Twitter, e cila njihet si burim për propagandën e IS-it.
