Armenia ka kërkuar zyrtarisht nga Rusia që të dorëzojë ushtarin, i cili është akuzuar për vrasjen e shtatë anëtarëve të një familjeje, pranë një baze ushtarake ruse në Armeni.
Prokurori i përgjithshëm i Armenisë, Gevork Kostanian, ka kërkuar nga homologu i tij rus, Yury Chaika, që të transferojë ushtarin rus, Valery Permyakov, në paraburgim në Armeni.
Apeli është bërë disa orë pasi agjencia ruse e lajmeve Interfax ka cituar një burim duke thënë se Permyakov do të gjykohet në bazën ruse në Gyumri të Armenisë.
Permyakov ka kryer krimin më 12 janar në Gyumri.
Viktimat e masakrës përfshijnë një vajzë dy vjeçe dhe një djalë gjashtë muajsh.