Ministri serb i Punëve të Brendshme, Nebojsha Stefanoviq, ka thënë në një takim me gazetarët në Beograd se mbi 60, 000 shqiptarë nga Kosova kanë aplikuar për pasaportë të Serbisë.
“Ne kemi mbi 60,000 kërkesa për lëshim pasaporte të Serbisë nga qytetarët shqiptarë të Kosovës, të cilët jetojnë në krahinën tonë jugore”, ka thënë Stefanoviq.
Ai ka shtuar se këtë trend e intepreton si “dëshirën e këtyre qytetarëve që Serbia të jetë shteti i tyre”.
