Departamenti amerikan i Drejtësisë ka bërë të ditur se i ka akuzuar gjashtë persona për sigurimin e të hollave dhe për mbështetjet tjera që ua kanë dhënë grupeve si Al-Kaida, frontit Nusra dhe Shtetit Islamik në Siri dhe Irak.
Gjashtë personat janë boshnjakë që jetojnë në Shtetet e Bashkuara.
Sipas aktakuzës, anëtarët e grupit kanë siguruar pajisje dhe para për grupet militante, përfshirë uniforma ushtarake, çizme lufte dhe veshje taktike që do përdoren për kryerjen e krimeve jashtë SHBA-ve.
Sipas zyrtarëve amerikanë, persona në Turqi dhe Arabinë Saudite kanë vepruar si ndërmjetsues.
Ndërmjetsuesit i kanë marrë paratë dhe pajisjet nga të pandehurit në SHBA dhe i kanë dërguar ato tek militantët në Siri dhe Irak.