Lëvizja Vetëvendosje ka paralajmëruar se do të bëjë homazhe në 8-vjetorin e vrasjes së Mon Balajt dhe Arben Xheladinit.
Të dy këta kanë humbur jetën gjatë protestave të kësaj Lëvizjeje, më 10 shkurt të vitit 2007.
Homazhet do të bëhen te varret e dy të vrarëve.
Në protestat e 8 vjetëve më parë, gjatë përplasjes së protestuesve me policinë, pjesëtarët e një njësie policore rumune, nën komandën e policisë së Misionit të Kombeve të Bashkuara, kanë qëlluar drejt protestuesve me plumba gome.
Pos të vrarëve, në protesta kanë mbetur të plagosur edhe dhjetëra persona.
