Pakistani thotë se 12 militantë talibanë vendas janë arrestuar në lidhje me sulmin në shkollën pakistaneze në fund të vitit të kaluar.
Zëdhënësi i ushtrisë, gjenerali Asim Saleem Bajwa tha më 12 shkurt se gjashtë nga të dyshuarit u arrestuan në Afganistan, ndërsa gjashtë të tjerë u arrestuan në Pakistan.
"Agjencitë e inteligjencës të të dy vendeve kanë punuar së bashku dhe ne jemi shumë falënderues ndaj Afganistanit", tha Bajwa.
Një nga të arrestuarit, Maulvi Abdus Salam, ishte imam i një xhamie në qytetin veriperëndimor pakistanez të Peshavarit.
Bajëa tha nëntë anëtarë tjerë të asaj që besohet të jetë një celulë prej 27 anëtarësh, janë vrarë.
Pakistani i ka shtuar përpjekjet kundër militantëve, pasi talibanët kishin marrë përgjegjësinë për masakrën në një shkollë në Peshavar, ku mbetën të vrarë 151 persona, shumica fëmijë.
