Athina dhe kreditorët e saj pritet të takohen gjatë ditës së sotme për të diskutuar rreth problemeve ekonomike të Greqisë.
Në një samit të BE-së të mbajtur gjatë të enjtes, kryeministri grek Alexis Tsipras, tha se shtrëngesat nga ana e BE-së, vazhdojnë ta vrasin ekonominë e Greqisë.
Presidenti i Këshillit Evropian, Donald Tusk, tha gjatë të enjtes në Bruksel se udhëheqësit evropianë “nuk kanë hyrë në negociata me Greqinë”.
Megjithatë Tsipras është dakorduar me kryesuesin e ministrave të financave të Eurozonës, Jeroen Dijsselbloem, që zyrtarët grekë të takohen gjatë ditës së sotme me përfaqësuesit e Komisionit Evropian, Bankës Qendrore dhe Fondit Monetar Ndërkombëtar.
Greqia po kërkon një kredi për tejkalimin e problemeve aktuale ekonomike.
Pa një kredi nga partnerët ndërkombëtarë, Greqia mund të përballet me falilmentim.