Udhëheqësit e Bashkimit Evropian kanë kërkuar respektim të m,arrëveshjes së arritur në Minsk e cila ka për qëllim ndaljen e konfliktit në Ukrainën lindore.
Gjatë një takimi të mbajtur të enjten, liderët e BE-së kanë paralajmëruar se armëpushimi duhet të respektohet ngase në të kundërtën mund të konsiderohen sanksione të reja ndaj Moskës.
Presidenti i Francës, Francois Hollande, tha se është “shumë e rëndësishme” në këtë moment që të bëhet presion për arritjen e paqes në Ukrainë.
Hollande i ka bërë komentet pas kthimit nga Minsku i Bjellorusisë ku ka marrë pjesë në arritjen e marrëveshjes e cila parasheh armëpushim dhe tërheqjen e armatimit të rëndë nga lindja e Ukrainës.
“Besimi ynë në vullnetin e presidentit (Vladimir Putin) është i kufizuar. Kjo është edhe arsyeja pse ne duhet ti mbajmë vendimet tona për sa u përket sanksioneve”, ka thënë presidenti i Bashkimit Evropian, Donald Tusk.
BE-ja e ka caktuar 16 shkurtin si afat nëse do të vendos për sanksionet ndaj 19 rusëve dhe pro-ruusëve .
Kjo varet nga respektimi i armëpushimit në terren.
