Libani e ka shënuar sot dhjetë vjetorin e vdekjes së ish-kryeministrit Rafik Hariri, ngjarje e cila e kishte zhytur vendin në trazira politike.
Hariri, një politikan sunit mysliman, ishte vrarë së bashku me 20 persona të tjerë, si rezultat i shpërthimit të një bombe në Beirut.
Mbështetësit e tij, familjarë dhe shumë politikanë libaneszë, e kanë vizituar varrin e tij ndërsa fotografitë e tij janë vendosur në tërë qytetin.
Djali i tij, Saad Hariri, gjithashtu ish-kryeministër, ka arritur pa paralajmëruar në Liban, për të marrë pjesë në këtë përvjetor.
Saad Hariri është larguar nga Libani në vitin 2011 dhe tashmë jeton në Arabinë Saudite dhe Francë.