Së paku njëzet persona kanë vdekur gjatë një karnevali në kryeqytetin e Haitit, si rezultat i rrëzimit të një shtylle elektrike.
Aksidenti ka ngjarë kur rrugët e kryeqytetit Port-au-Prince ishin të mbushura me njerëz që po merrnin pjesë në karneval.
Ende nuk dihet për numrin e saktë të të vdekurve ngase ka pasur raporte kundërthënëse.
Nadia Lochard, koordinatore e Departamentit të Mbrojtjes Civile, tha se së paku 20 persona kanë vdekur dhe 46 janë plagosur.
Karnevali që po mbahet sot në Haiti është organizuar nga grupi hip-hop Barikad Crew.