Mijëra njerëz janë evakuar si rezultat i zjarrit që në orët e hershme të ditës së sotme e ka kapluar një rrokaqiell në Dubai.
Mbeturina nga zjarri janë parë të bien në tokë nga ndërtesa 79 katëshe e quajtur Torch (Pishtari).
Zjarri, sipas gazetës së atjeshme Gulf, ka nisur në katin e 50-të ndërsa më vonë është përhapur në katet mbi atë të 70-të.
Zjarrëfikësit janë në vendin e ngjarjes por erërat e forta i kanë komplikuar përpjekjet e tyre për ndaljen e zjarrit.
Mediat e atjeshme raportojnë se janë parë njerëz duke ikur nga ndërtesa dhe për shkak të tymit të madh, disa edhe kanë kërkuar ndihmë mjeksore.
Nuk ka njoftime për viktima në njerëz.