Raportohet se forcat kurde në Irak i kanë detyruar militantët e Shtetit Islamik (IS) në qytetin Kirkuk që të zbrapsen.
Në një kumtesë të mbrëmshme, Këshilli i sigurisë rajonale tha se luftëtarët kurdë, të njohur edhe si forcat peshmerga, i kanë rimarrë afro 100 kilometra katrorë nga militantët e Shtetit Islamik, me ç’rast janë vrarë afro 100 pjesëtarë të tyre.
Forcat Peshmerga e kanë marrë kontrollin ndaj një kryqëzimi strategjik që e lidhë qytetin Kirkuk me Mosulin, që është qyteti më i madh nën kontrollin e IS-it.
Gjenerali, Omar Saleh Hassan, i tha agjencisë Reuters se forcat e tij kishin hasur në rezistencë të vogël nga militantët e Shtetit Islamik.
