Zyrtarët në Pakistan kanë bërë të ditur se dy sulmues vetëvrasës kanë qëlluar dy kisha në qytetin e Lahores, duke vrarë 14 njerëz.
Drejtori i shëndetësisë në provincë, Zahid Pervez, ka bërë publike shifrat, duke thënë se së paku 70 persona të tjerë janë plagosur.
Sulmet kanë ndodhur në lagjen e krishterë Youhana Abad.
Një degë e talibanëve pakistanezë që e quan veten Jamatul Ahrar, ka marrë përgjegjësinë për sulmet.
“Do të ketë edhe sulme të tjera të tilla”, ka paralajmëruar zëdhënësi Ahsanullah Ahsan.
