Dhoma e Ulët e Parlamentit të Rusisë ka refuzuar propozimin për të mbajtur një minutë heshtje në nderim të opozitarit të vrarë rus, Boris Nemtsov, ish-ligjvënës i Dumës Shtetërore.
Propozimi është bërë nga deputeti opozitar, Dmitry Gudkov.
Kryetari i Dumës, Sergei Naryshkin, e ka refuzuar atë, duke thënë se ai tashmë ka shprehur ngushëllime për të afërmit e Nemtsovit në emër të Dumës, duke u dërguar atyre telegram.
Nemtsov ka qenë qenë anëtar i Dumës nga viti 1999 deri më 2003.
Ai është vrarë më 27 shkurt pranë ndërtesës së Kremlinit në Moskë.