Media shtetërore e Sirisë bën të ditur se mbrojtja ajrore e këtij vendi ka rrëzuar poshtë një aeroplan të telekomanduar të Shteteve të Bashkuara, pranë qytetit Latakia.
Zyrtarët amerikanë kanë konfirmuar vetëm rrëzimin e dronit Predator, por jo edhe sulmin ndaj tij.
Ata kanë thënë se janë duke bërë përpjekje për të përcaktuar se përse operatorët e dronit kanë humbur kontrollin ndaj tij.
Televizioni shtetëror sirian ka transmetuar pamje që, sipas tij, janë rrënojat e aeroplanit të rrëzuar.
Nëse konfirmohet, kjo do të jetë hera e parë që forcat siriane sulmojnë një aeroplan të SHBA-së prejse kanë nisur sulmet e koalicionit kundër militantëve të Shtetit Islamik.