Presidenti i Nigerisë, Goodluck Jonathan, ka thënë se shpreson se i gjithë territori i pushtuar nga militantët islamistë të Boko Haramit do të rimerret brenda një muaji.
“Ata po dobësohen nga dita në ditë”, ka thënë Jonathan për BBC-në.
Jonathan, i cili përballet me zgjedhet pas një jave, ka pranuar se përgjigjja ndaj avancimit fillestar të kryengritësve në verilindje të Nigerisë, ka qenë e ngadalshme.
Ushtria ka raportuar së fundi fitore ndaj Boko Haramit.
E mbështetur nga vendet fqinje Çadi, Nigeri dhe Kameruni, ushtria e Nigerisë ka rimarrë disa qytete dhe fshatra nga militantët.
Qeveria e presidentit Jonathan është kritikuar ashpër për dështimet e saj për të mposhtur kryengritjen.
Boko Harami ka nisur kryengritjen për krijimin e shtetit islamik në Nigeri qysh në vitin 2009. Prej atëherë janë vrarë mijëra persona.