Sot janë bërë shtatë vjet prejse Kuvendi i Kosovës ka miratuar Kushtetutën e Republikës.
Akti më i lartë juridik ka hyrë në fuqi më 15 qershor të vitit 2008.
Por, njohësit e fushës thonë se Kushtetuta vazhdon të mos zbatohet në disa aspekte.
Sfiduese mbetet pjesa veriore, ku, sipas ekspertëve, Kushtetuta e Kosovës nuk ekziston.
Megjithatë, autoritetet janë shprehur optimiste se do ta shtrijnë sovranitetin në tërë territorin e vendit.
