Kryeministri i Rusisë, Dmitry Medvedev, takon sot në Moskë homologun grek, Alexis Tsipras.
Shërbimi për media i Qeverisë ruse ka thënë se dy liderët do të diskutojnë “aspekte të ndryshme të tregtisë dhe ndërveprimit ekonomik”.
Takimi është pjesë e udhëtimit dyditor të Tsipras në Rusi, i cili ka shqetësuar shumë zyrtarë të Bashkimit Evropian.
BE-ja ka vendosur sanksione të ashpra kundër Moskës për shkak të aneksimit të Krimesë dhe mbështetjes për rebelët pro-rusë në lindje të Ukrainës.
Tsipras, ish-komunist, i cili është bërë kryeministër në muajin janar, ka takuar të mërkurën presidentin rus, Vladimir Putin.
Bisedimet Tsipras-Putin janë fokusuar në çështje ekonomike dhe investime.
