Raportet nga Italia thonë se një person ka hapur zjarr në një gjykatë në Millano, duke vrarë së paku një person.
Gazeta Corriere della Sera bën të ditur se dy njerëz janë plagosur, përfshirë edhe një avokat.
Kryetari i Gjykatës së Apelit në Millano, Giovanni Canzio, ka thënë se sulmuesi i dyshuar është ende në arrati.
Sipas policisë, sulmuesi është një i pandehur në një rast të falimentimit.
